Çdo lloj përplasjeje do të kthejë rajonin njëqind vjet mbrapa, tha Presidenti serb Aleksandër Vuçiq sot në Mostar.
Sot ai u takua me kryeministrin bullgar Bojko Borisov në Mostar. Vuçiq dhe Borisov do të diskutojnë më gjerësisht në samitin e ardhshëm në Sofje që do të mbahet më 17 maj të këtij viti. Samiti është kërcënuar për bojkotim në pjesëmarrje nga Spanja, pasi është konfirmuar se përfaqësuesit e Kosovës do të marrin pjesë, raporton “b92”, transmeton Periskopi.
“Çdo konflikt do të na kthejë njëqind vjet mbrapa,” tha Presidenti Vuçiq, duke shtuar se, “Unë u përpoqa ta bind Borisovin se Serbia do të bëjë gjithçka në fuqinë e saj për të ruajtur paqen dhe stabilitetin dhe se ne do të reagojmë me durim dhe tolerancë dhe kështu përpiqemi t’i zgjidhim problemet tona në rajon, sepse çdo konflikt do të na kthejë mbrapa njëqind vjetësh”.
Presidenti Vuçiq e falënderoi Kryeministrin e Bullgarisë, prezenca e të cilit në Mostar konsiderohet shumë e rëndësishme dhe, siç thotë ai, vështron seriozisht situatën në rajon, si kryeministër i presidencës së BE-së.
Kur bëhet fjalë për marrëdhëniet dypalëshe, veçanërisht ato ekonomike, Serbia dhe Bullgaria nuk kanë probleme, thotë Presidenti Vuçiq, por një shkëmbim tregtar në rritje, tani në 1 miliard euro duke u rritur nga viti në vit.
Dje Vuçiq njoftoi në Mostar se formati për pjesëmarrje në samitin e BE-së dhe Ballkanit Perëndimor në Sofje duhet të diskutohet vetëm pas takimeve me zyrtarë evropianë dhe botërorë të cilët do të vijnë në Serbi në ditët në vijim.
Shpresoj, thotë ai, të ketë një zgjidhje të mirë për të gjithë. Edhe pse Bullgaria theksoi se samiti në Sofje nuk do të jetë një samit i përkushtuar për “zgjerimin”, e “perspektivës evropiane, zhvillimin dhe bashkëpunimin me rajonin”, Madridi e kushtëzoi praninë e tij me mos përmendjen e shtetit të Kosovës si pjesëmarrës në samit, por vetëm me emërimin dhe praninë e shkurtuar të përfaqësuesve të Prishtinës.
Ndërkohë, presidenca bullgare përsëriti se puna mbi organizimin e samitit është ende në vazhdim dhe se parimi i neutralitetit të statusit të Kosovës do të respektohet.
