Aleksandar Vuçiq do të jetë president i ardhshëm i Serbisë, raporton KTV.
47-vjeçari ka fituar zgjedhjet presidenciale me një diferencë të madhe ndaj kundërkandidatëve të tij.
Rezultatet nxjerrin Vuçiq fitues me rreth 55 për qind të votave, derisa kandidati i opozitës, Sasa Jankoviq doli i dyti me 16 për qind të votave.
“Për mua, këto zgjedhje janë dëshmi se qytetarët serbë janë në favor të vazhdimit të rrugës drejt Bashkimit Evropian, duke i ruajtur raportet e ngushta me Kinën dhe Rusinë”, tha në mes tjerash Vuçiq.
Rezultatet e këtyre zgjedhjeve shënuan një “nënçmim” politik për partitë opozitare të Serbisë, të cilat konsiderojnë se sundimi i Vuçiqit po bëhet gjithnjë e më autokratik. Roli i presidenti serb është kryesisht ceremonial, megjithatë Vuçiqit pritet ta shtrijë pushtetin nëpërmjet pranisë së tij në Partinë Progresive Serbe.
© KOHA
