Lëvizja Vetëvendosje ka renditur dëmet që sipas tyre kryeministri i Kosovës Avdullah Hoti, ia ka sjellur Kosovës nga marrëveshja që u nënshkrua në Washintgon.
Sipas tyre kryeministri tha se po shkonte në Washington për njohje reciproke, por u kthye me shumë dëme për Republikën e pa njohjen e saj, përcjell Klan Kosova.
Postimi i plotë:
Kryeministri i paligjshmën e jolegjitim tha se po shkonte në Washington për njohje reciproke, por u kthye me shumë dëme për Republikën e pa njohjen e saj.
Pra, shkuan për njohjen, ndërkaq u pajtuan që të mos angazhohen për e anëtarësim në organizata ndërkombëtare për një vit.
Shkuan për njohje, ndërkaq u pajtuan për ndarjen e Liqenit të Ujmanit.
Shkuan për njohje, ndërkaq u pajtuan për realizimin e idesë dhe qëllimeve të Serbisë për mini-schengen.
Shkuan për njohje, ndërkaq u pajtuan t’i mundësojnë Serbisë qasje në detin Adriatik.
Shkuan për njohje, ndërkaq me kërkesë të Serbisë e larguan emërtimin “Republikë”.
Shkuan për njohje, ndërkaq sollën dëm, turp e rrezik.
