Deklarata e deputetit të LDK-së, Naser Osmani, se vendi s’ka nevojë për zgjedhje, ka nxitur reagimin e Lëvizjes “Vetëvendosje”. Anëtari i kryesisë nga kjo partie, Ylli Hoxha ka thënë se është e vërtetë që partia e Isa Mustafës ka përfunduar me sukses disa obligime.
“Obligimet ndaj SHIK-ut i keni kry, te gjitha! Obligimet ndaj Vuçiqit nuk kalojnë! Obligimet ndaj qytetareve nuk e keni njet me i kry asnjëherë! Kështu qe ecni ma shpejte, sa nuk keni nevoje me vrapu”, ka shkruar ai në “Faceobok”.
Ndryshe, deputeti Osmani deklaroi për “Indeksonline” se koalicioni qeverisës (PDK-LDK+ Lista Serbe) s’ka përfunduar ende disa obligime të rëndësishme për vendin.
“Koalicioni ka ende obligime, siç janë; Çështja e demarkacionit, liberalizimi i vizave, krijimi i ushtrisë si dhe disa çështje të tjera të cilat e kanë marrë për obligim gjatë koalicionit për me i kry dhe duhet me i kry”, ka deklaruar ai.
