Në barazimin 1-1 mes AC Milan dhe Salzburg në fillim të javës, një nga lojtarët që ra në sy ishte Maurits Kjaergaard. Nuk është për t’u habitur, duke pasur parasysh se kuqezinjtë në fakt u përpoqën ta nënshkruanin atë verën e kaluar.
Milani e filloi aventurën e tij në Ligën e Kampionëve me një barazim solid ndaj një kundërshtari të vështirë, veçanërisht pasi ishte larg shtëpisë.
Për Salzburgun bënë shumë mirë disa lojtarë, si golashënuesi Noah Okafor, por edhe Kjaergaard, përcjell ORAinfo.
Mesfushori sulmues shpesh krijonte hapësirë për veten dhe duhej të kishte një asistim, por shoku i tij i skuadrës bëri ski nga një distancë e afërt. Sipas Daniele Longo, kjo nuk është hera e parë që Milani e sheh si lojtar shumë të mirë.
Verën e kaluar, Paolo Maldini dhe Ricky Massara hapën bisedimet me Salzburgun për të diskutuar mbi ndërkombëtarin danez. Interesi ishte konkret, por kuqezinjtë vendosën të tërhiqen kur u zbuluan kërkesat: 10 milionë euro plus një klauzolë të konsiderueshme të rishitjes.
Sot, 19-vjeçari vlen pothuajse dyfish pasi është kthyer në një lojtar kyç për skuadrën austriake./ORAinfo/
