Zëdhënësja e Pentagonit, Dana White, do të përballet me hetim nën dyshimin se disa punonjës të këtij institucioni të lartë shtetëror i ka shfrytëzuar për çështje private.
Pretendohet se White stafin e afërt brenda Pentagonit e ka shfrytëzuar për kryerjen e punëve private, si dhe është hakmarrë ndaj disa punonjësve që kanë raportuar tek eprorët e tyre
CNN raporton se White për disa javë është nën hetime nga kryeinspektori i Pentagonit.
Ndër të tjera për White thuhet se ka urdhëruar punonjësit e stafit të çojnë rrobat e saj në pastrim kimik, por edhe të blejnë ilaçe dhe ushqim. E, sipas rregullave etike në Pentagon, një zyrtar nuk ka të drejtë të shfrytëzojë punonjësit e tjerë për kryerjen e punëve private.
White mban postin e zëdhënëses së Pentagonit nga qershori i vitit 2017 dhe personalisht i raporton sekretarit të Mbrojtjes, Jim Mattis.
