Deputeti Milaim Zeka, ka kritikuar thirrjen e seancës së jashtëzakonshme ende pa u përkthyer Raporti i Progresit në gjuhën shqipe.
Ai ka thënë se kjo është bërë vetëm për të treguar se kush po e thërre i pari këtë seancë.
“Kështu na ka shku me ndërkombëtarët kohën e fundit. Ata fol anglisht, këta tontë thuaj yes yes, e mos di kurgja”, ka thënë Zeka, shkruan Periskopi.
Ndryshe, mungesën e dokumentit të përkthyer në gjuhën shqipe të Raportit të Progresit, e kanë kritikuar edhe deputetë tjerë.
Ahmet Isufi dhe Blerim Kuçi nga AAK kanë thënë se assesi nuk do të duhej të thirrej seanca duke munguar raporti në shqip.
