Anëtari i Kryesisë Qendrore në Lëvizjen BESA, Shaban Zendeli sonte ka qenë ftuar në Rruga Drejt të Alsat – M.
“Momenti i intonimit të himnit shqiptar në Kuvend ishte si reaksion i këndimit të himnit nga ana e deputetit maqedonas. Duke pasur parasysh se edhe pjesë e Deklaratës së Platformës Shqiptare ka qenë edhe hapja e depatit për himnin e flamurin, mund të thuhet se intonimi i himnit shqiptar ishte reaksion për të treguar se himni aktual i Maqedonisë nuk është gjithëprfshirës, për këtë shkak duhet të hapet debat i cili edhe kërkohet në Deklaratën e Përbashkët të Partive Shqiptare”, – theksoi Zendeli.
Depuetët e BESËS kanë kontribuar në proces në vazhdimësi, këtë e dinë të gjithë tha Zendeli.
Sot edhe Kryetari i LSDM-së, Zoran Zaev ka demantuar të gjitha zërat se pesë deputetët e Lëvizjes BESA kanë ikur nga Kuvendi të enjten e kobshmetë 27 prillit, por përkundrazi thotë ai, deputetët e BESËS kanë ndihmuar procesin e zgjedhjes së shumicës së re parlamentare. Në një intervistë për agjencinë Anadollu, Zaev sqaron se largimi i deputetëve të BESËS është bërë në konsultim me ta dhe pasi kanë kryer obligimin e tyre në sallë.
