Një diplomat turk në Zagreb konsiderohet i zhdukur, ndërsa është i panjohur edhe fati i ambasadorit të deritashëm turk në Kroaci, Ahmet Tuta, dhe gruas së tij Mina.
“Hakmarrja brutale e Kryeministrit turk Rexhep Taip Erdogan, pas dështimit ende të paqarte të grusht shtetit në korrik në Turqi, vazhdon me një episod dramatik edhe në zemër të kryeqytetit kroat”, thotë Nacional i Zagrebit, transmeton Express.
Duke iu referuar dy burimeve të pavarura diplomatike, gazeta tha se të paktën një diplomat turk, i cili deri në verë ishte në detyrë në Zagreb, konsiderohet i zhdukur, dhe se “nuk dihet se çfarë ka ndodhur me të vërtetë me ambasadorin e deritashëm turk, Ahmet Tuta dhe gruan e tij, Mina Tuta”.
Një burim ka thënë se diplomatë turq u morën nga njerëzit e Edoganit, në qese të zeza në fshehtësi nga Kroacia, dhe i çuan në drejtim të panjohur.
Në goditjen më të rëndë në Kroaciishte Bekir Alpua, deri vonë atashe kulturor turk në Zagreb.
Nga autoritetet kroate u kërkua që të mirren dokumentet e tij diplomatike dhe të deportohet në Turqi, ndërsa ai, nga diplomatët e huaj në Zagreb, kërkonte ndihmë dëshpërueshëm.
Bashkë me të konsiderohet i zhdukur edhe Ajtug Seker, kohët e fundit atashe turk ushtarak në BeH.
Pas grushtit të shtetit të dështuar në Turqi, pjesës më të madhe të vendeve me të cilat Turqia ka marrëdhënie diplomatike iu dërguan listat me emrat e diplomatëve turq që Erdogan i deklaroi si përkrahës të imamit Fetulaha Gulen dhe puçistëve, thotë “Nacional”.
Për të gjithë njerëzit në lista u kërkua për të deportohen në Turqi dhe t’u refuzohet mikëpritja.
