Muharrem Berisha nga fshati Gurbardh të Malishevës është zhdukur që nga mëngjesi i ditës së hënë, ka njoftuar familja e tij.
Përmes një njoftimi familjaret e Muharremit kanë treguar se ai vuante nga harresa, andaj kanë kërkuar nga të gjithë bashkëvendësit e tyre dhe banorët e fshatrave përreth të ndihmojnë në gjetjen e familjarit të tyre.
Më poshtë njoftimi i plotë i familjes Berisha dhe numrat e kontaktit:
“Bashkfshatarë të nderuar në mëngjesin e sotëm (bëhet fjalë për ditën e hënë) në orën 08:00, Muharrem Smajl Berisha doli në bjeshkë dhe nuk është kthyer ende në shtëpi, familja janë të merakosur. Ne si fshat duhet të ndihemi të obliguar të dalim në kërkim të tij tashmë disa edhe janë në kërkim. Për çdo informatë ju lutemi kontaktoni në këta numra të telefonit.
044 229 759; 045 985 158.
Ju faleminderit” thuhet në njoftim.
