Një zjarr i përmasave të mëdha ka përfshirë pasditen e sotme zonën pranë varrezave të fshatit Hoshtimë, në Vlorë.
Flakët po përhapen me shpejtësi të madhe për shkak të erës së fortë, duke rrezikuar jo vetëm sipërfaqet me bimësi, por edhe banesat dhe zonat përreth.
Forcat zjarrfikëse janë nisur menjëherë drejt vendngjarjes dhe po punojnë intensivisht për të vënë situatën nën kontroll. Deri më tani nuk raportohet për persona të lënduar, por situata paraqitet problematike dhe është ende në ndjekje.
