Janë bërë 20 vjet që nga lufta e fundit në Kosovë dhe ende vazhdojnë të mbesin të pagjetur 1653 persona, familjarët e të cilëve fajësojnë institucionet e Kosovës, por edhe ato ndërkombëtare për moszbardhjen e fatit të tyre.
Në Ditën Ndërkombëtare të të Pagjeturve Kosova kujtoi 1653 personat të cilët mungojnë që nga lufta e fundit. Përfaqësues të familjarëve të të zhdukurve, qytetarë e krerë institucionalë marshuan drejt obeliskut të të pagjeturve në qendër të Prishtinës, duke kërkuar drejtësi dhe zbardhjen e fatit të tyre 20 vjet pas gjenocidit serb në Kosovë.
