Zv/komandiri i zjarrfiksëve: Përderisa e shuanim zjarrin i nxjerrnim dhe viktimat

Zv/komandimi i zjarrfikësve në Tetovë ka deklaruar se në orën 21:02 minuta është denoncuar se ka shpërthyer zjarr në spitalin modular në Tetovë.

“Ekipet për 3-4 minuta kanë arritur në vendin e ngjarjes me rreth shtatë makina dhe mbi 30 zjarrfikës . Kur kanë arritur ekipet i tërë vendi ka qenë i përfshirë nga zjarri edhe brenda edhe jashtë, gjithçka që është nga ana jonë është përdorur, në orën 21:300 është lokalizuar zjarri, në orën 21:45 është likuiduar totalisht”, ka deklaruar zv/komandiri i zjarrfikësve.

Ai theksoi se ka pasur edhe viktima.

“Përderisa po shuhej zjarri, flakat ishin të mëdha, sepse spitali modular i tëri është me plastikë, dhe u nxirrnin viktimat deri sa shuhej. Ende nuk kemi evidencë se sa viktima ka”, u shpreh më tej ai.