Gjykata e Lartë ka urdhëruar që çështja e 21 janarit të merret përsipër nga SPAK-u! Në këtë mënyra, Prokuroria e Posaçme do të mundet të hetojë në mënyrë të thelluar ngjarjen tragjike.
Është zbardhur vendimi, e sipas informacioneve të raportuara nga gazetarja, Klodiana Lala është vënë në dispozicion edhe palëve.
Teksa kujtojmë se në 21 janar, gjatë demonstratës humbën jetën 4 protestues.
Sipas vendimit:
PËR KËTO ARSYE,
”Kolegji Penal i Gjykatës së Lartë, në konformitet me përcaktimet e neneve 291, pika 4 dhe 441, pika 1, shkronja “dh”, të Kodit të Procedurës Penale”
VENDOSI:
Ndryshimin e vendimit nr. 92, datë 21.06.2023, të Gjykatës së Posaçme të Apelit për Korrupsionin dhe Krimin e Organizuar dhe të vendimit nr. 107, datë 29.03.2023, të Gjykatës së Posaçme të Shkallës së Parë për Korrupsionin dhe Krimin e Organizuar – gjyqtarit për hetimet paraprake pranë asaj gjykate dhe zgjidhjen përfundimisht të çështjes, duke urdhëruar Prokurorinë e Posaçme kundër Korrupsionit dhe Krimit të Organizuar për të regjistruar procedimin penal për kallëzimin e datës 16.02.2023’’, thuhet në vendim.
Vijon…
