30 persona humbin jetën në një përplasje mes autobusëve

 

Sakte.net / E hënë, 17 Tetor 2016  –  11:04

Të paktën 30 persona kanë humbur jetën në Pakistan, në një aksident ku u përfshinë dy autobus, njofton policia.

Fotografi nga vendi i ngjarjes shfaqin njërin autobus me dritare anësore komplet të thyera, ndërsa tjetrin me tavan të hequr, transmeton Express.

Zyrtarët njoftojnë se aksidenti ka ndodhur sot në orën 6 të mëngjesit sipas kohës lokale, afër Rahim Yar Khan.

“Numri i përgjithshëm i të vdekurve ka shkuar në 30,” ka thënë inspektori policor i Rahim Yar Khan, Hassan Iqbal.

Ndërkohë, ekipet e shpëtimit thonë se edhe 30 persona të tjerë janë lënduar në këtë aksident.