E martë, 18 Tetor 2016 – Sakte.net
Stuhia Matthew ishte shkatërruese në Haiti dhe në bregun juglindor të SHBA-ve, duke shkaktuar mijëra viktima dhe dëme të mëdha materiale.
Shumë vetura u shkatërruan, po ashtu, por kur bëhet fjalë për vetura me vlera milionëshe, atëherë merren masa mbrojtëse.
“Lamborghini Palm Beach” në Florida ishte detyruar që inventarin e vet të veturave ta fuste brenda në garazhin, i cili ishte vlerësuar se mund t’i mbijetonte stuhisë. Ata futën brenda në garazhë 38 vetura Lamborghini të parkuara vetëm disa milimetra larg njëra-tjetrës, transmeton Express. Përkrah veturave “Lamborghini” shihen edhe vetura tjera ekzotike, si “Audi”, “Porsche”, “Ferrari”, “Rolls-Royce” dhe “Mercedes-Benz”.
Fatmirësisht, veturat i mbijetuan stuhisë dhe procesit të parkimit brenda dhe jashtë garazhit të padëmtuara.
