Pasoja shkatërrimtare ka sjellë tajfuni Mangkut që goditi Kinën pasi shkaktoi mbi 60 të vdekur e qindra të plagosur në veri të Filipineve.
Pamjet tregojnë dëmet që erërat e forta me shpejtësi deri 160 km/orë shkaktuan në Hong Kong.
Mangkut, tajfuni më i fuqishëm që ka goditur Kinën gjatë këtij viti, po zhvendoset në brendësi të territorit jugor të vendit, teksa autoritetet kanë evakuuar mbi 2 milionë banorë nga zonat e rrezikuara.
Aktiv është edhe uragani ‘Florence’ në Shtetet e Bashkuara ku bilanci i viktimave ka arritur në 14. Intensiteti më i ulët e ka shndërruar në stuhi tropikale por gjithsesi autoritetet presin më tepër reshje dhe përmbytje.
