Një 32-vjeçar nga qyteti i Pogradecit është arrestuar ditën e sotme nga Shërbimi për Çëshjet e Brendshme dhe Ankesat (SHÇBA) në Ministrinë e Brendshme.
Ardian Hoxha mbante detyrën përgjegjës turni në pikën kufitare të Qafë-Thanës dhe akuzohet se ka shkelur detyrën duke lejuar që shtetas të ndryshëm të kalojnë drejt Maqedonisë.
Këtyre shtetasve nuk u lejohej të udhëtonin jashtë territorit të Shqipërisë, por nënkomisari Hoxha i la lejuar të udhëtojnë drejt Maqedonisë duke iu hapur rrugën kështu drejt zonës Shengen, transmeton Gazeta Lajm.
Dyshohet se kundrejt pagesave 32-vjeçari Hoxha lejonte kalimin e shtetasve të ndryshëm, që nuk mund të udhëtonin në drejtim të Maqedonisë dhe zonës Shengen.
Hetimi po vijon për zbulimin e personave të tjerë të implikuar.
SHÇBA ka ftuar me këtë rast qytetarët që të denoncojnë çdo rast paligjshmërie të konstatuar apo korrupsioni, ku janë të implikuar punonjës të Policisë.
