Kryetari i Komunës së Skënderajt Bekim Jashari ka shpërthyer sot në akuza ndaj ish –kryetarit të kësaj komune Sami Lushtakut. Përveç se e ka akuzuar për bllokim të punës së Komunës së Skënderajt, ka thënë se Lushtaku gjatë luftës “ i ka lënë babën dhe migjën e tij në Kosovë ndërsa vet ka ikur në Gjermani.
Ai ka thënë se po sabotohet nga Lushtaku i cili gjithçka ka orkestruar këtë veprim me partitë opozitare.
“Mu më befasoi fakti sot se pse 3 këshilltarët e AKR’së nuk erdhën që kanë qenë në seancën e fundit …pse iu bashkëngjiten këtij grupi… se Sami Lushtaku nuk më befason aspak, Sami Lushtaku edhe babën edhe migjen tem në 93’tën i ka lon, 5 vite ka ik në Gjermani. S’më befason ai, sepse është po ai Samia që ka qenë atëherë” ka thënë Jashari.
Ndryshe, Jashari ka thënë se sot një pjesë e këshilltarëve komunal kanë lëshuar seancën dhe duke bllokuar punimet.
“Fillimisht një pjesë këshilltarëve komunal nga radhët e PDK-së lëshuan seancën e datës 30 janar, duke bllokuar zgjedhjen e komiteteve funksionale obligative për funksionimin e kuvendit, por në bashkëveprim me këshilltaret e partive të tjera arritën të bllokojnë zgjedhjen e këtyre komiteteve. Sot vazhdimin e seancës e bllokuan edhe një pjesë e këshilltarëve. Qeveria e kaluar nuk e ka parë të arsyeshme që në plan zhvillimor për pesë vite, nga 2017 deri në 2021 të mos ndajë më shumë se 6 hektarë parcelë si zonë ekonomike dhe atë ku në Runikë, duke pasur hapësira të mjaftueshme dhe vende më të mira dhe më joshëse për investim”, ka thënë Jashari.
