Kryeministri i Republikës së Kosovës, Ramush Haradinaj pas qëndrimit një javor në Amerikë, sërish ka komentuar edhe protestën nga Lëvizja Vetvëndosje, por po ashtu edhe vizitën e Thaçit në veri të vendit.
Haradinaj ka përshëndetur protestuesit që kaluan të qetë dhe s’pati trazira, ndërsa kritikoi ata që s’pati më shumë flamuj shtetëror.
Sa i përket vizitës së presidentit Thaçi në veri, i pari i ekzekutivit tha se kjo gjë është më se normale, pavarësisht se e quajti koeçidencë protestën e VV-së dhe vizitën e tij në të njëjtën ditë.‘Nuk shoh asgjë të keqe, Thaçi mund të vizitojë çdo pjesë të atdheut. S’mund ta kritikojë pse ai ka shku në veri. Ka qenë koeçidencë vizita e tij në të njëjtën ditë me protestën, gjithashtu ka qenë edhe spektakël, por që ka pas mesazh, si për politikën e brendshme ashtu edhe për Serbinë dhe mendoj që vizita të tilla duhet të ketë më shumë’, u shpreh Haradinaj në një emision televiziv, përcjellë Indeksonline.
Haradinaj gjithashtu tha se ai bën shpesh vizita të tilla në veri dhe këtë e bën për t’i bërë serbët të ndihen të sigurt.
“Unë jam i rregullt në veri dhe s’ka nevojë me më rujt kërkush. Kam qenë i kujdesshëm gjatë vizitave të mija sepse porosia është tjetër, dua t’i sigurojë serbët e veriut. Unë mendoj që interesimi i Serbisë nuk është Liqeni i Ujmanit, por xehet që kanë në atë pjesë, nga pjesa e Jarinjes deri tek Leshaku”, tha më tej Haradinaj.
