Ramadan Maloni nga Kosova është një prej të akuzuarve për krime lufte kundër civilëve serbë.
Prokuroria serbe ka ngritur dy padi të reja kundër dy të pandehurve të akuzuar për krime lufte kundër civilëve serbë në Sarajevë dhe Kosovë, ka mësuar “Tanjug” nga Gjykata e Lartë në Beograd.
Ata janë shtetasi i Bosnjës e Hercegovinës, Husein Mujanoviq dhe Ramadan Maloni nga Kosova.
Të dy janë në paraburgim në Beograd, i përcaktuar nga vendimet e Gjykatës së Lartë të Beogradit, tha zëdhënësja Bojana Stankoviq për “Tanjug”.
Me aktakuzën e datës 25 dhjetor 2018, një shtetas i Bosnjës dhe Hercegovinës, Husein Mujanoviq akuzohet për krime lufte kundër civilëve serbë në Sarajevë në vitin 1992.
I pandehuri është në paraburgim nga 3 korriku 2018, tha Stankoviq, transmeton lajmi.net.
Mujanoviç akuzohet për mbajtjen në mënyrë të paligjshme të 30 civilëve të nacionalitetit serb, si kreu i njësisë së paraburgimit të Ushtrisë Boshnjake.
Sipas aktakuzës, ai lëshoi urdhra, por edhe vetë mori pjesë në lëndimet e të burgosurve, nga të cilat shtatë serbë e humbën jetën.
Kurse, Ramadan Maloni nga Kosova, i cili është në paraburgim që nga 3 tetori i vitit të kaluar, akuzohet për aktakuzën e dytë të 27 dhjetorit 2018 për krime lufte kundër civilëve serbë, tha Bojana Stankoviç.
Sipas aktakuzës, dyshohet se ai me katër anëtarë të armatosur dhe të uniformuar të UÇK-së, në Nerodime të Epërme në komunën e Ferizajt, kanë frikësuar, fyer dhe kanë arrestuar në mënyrë të paligjshme dy civilë serbë.
