Hëna e plotë do të jetë më afër Tokës sot në mesnatë, duke ofruar një nga spektaklet më të mira hënore në dekada.
Sonte, në mes të datës 13 dhe 14 nëntor, mund të jeni dëshmitarë të një pamjeje historike: super-Hëna më e madhe, e ndritshme dhe më e afërt me Tokën që nga viti 1948.
Termi “super-Hëna ” gjegjësisht përkufizohet si një Hënë e plotë e cila i afron shumë orbitat hënore ndaj Tokës, ose perigjet – pika më e afërt e hënës me Tokën.
Këtë herë, Hëna do të arrijë perigjen e parë në orën 6:21 të mëngjesit, 14 nëntor, me një largësi nga Toka prej 356,508 kilometrash, transmeton Koha.net. Kjo distancë është matur nga qendra e të dy këtyre planetëve, Tokës dhe Hënës. Ndërsa fazën e saj të plotë, Hëna do ta arrijë pas dy orë e gjysmë, më saktësisht në ora 8:52.
Planetit tonë, Hëna e plotë nuk i është afruar kaq shumë që nga viti 1948, më 26 janar. Në këtë vit, Hëna i ishte afruar Tokës 48 kilometra më afër për dallim nga super-Hëna që do të ndodh sonte, shkruan National Geographic.
Shijoni pamjet që do të shfaqen sot në mesnatë në qiell, sepse Hënën e plotë nuk do të keni mundësi ta shihni kaq afër deri më 25 nëntor, në vitin 2034. Ndërsa Hëna e plotë më e afërt ndaj Tokës për këtë shekull do të ndodhë më 6 dhjetor të vitit 2052, kur fqinji ynë qiellor do të jetë larg nesh “vetëm” 356,424 kilometra.
