Udhëheqësi radikal serb, Vojisllav Sheshel, sot i ka vënë flakën flamurit të BE-së dhe NATO-s.
Në 20-vjetorin e fillimit të bombardimeve të NATO-s, udhëheqësi i Partisë Radikale Serbe, Vojisllav Sheshel, i ka vënë flakën flamuri të Bashkimit Evropian dhe të NATO-s, transmeton lajmi.net.
Partia Radikale Serbe sot në mesditë në rrugën “Knez Mihailova”, në Beograd organizoi një tubim me rastin e 20-vjetorit të bombardimeve.
Sheshel me këtë rast tha se, do t’i kërkojë Serbisë të heqë dorë nga rruga e saj drejt BE-së, ku, siç tha ai, “të gjithë armiqtë serbë”, ishin të përqendruar.
Ai kërkoi që autoritetet në Beograd të angazhohen gjithnjë e më shumë në mbrojtjen e serbëve përpara gjykatës së Hagës.
Para ecjes, Sheshelj tha në tubim se 20 vjet më parë ndodhi një bombardim i egër i krimit të popullit serb dhe vrasja e fëmijëve serbë, transmeton më tutje lajmi.net.
Siç tha ai, pakti i NATO-s është një pakt agresioni, i cili për herë të parë kërkoi misionin e saj kriminal ndaj serbëve në Republika Srpska dhe Serbi.
“Ne nuk duhet ta harrojmë kurrë këtë dhe nuk do ta falim. Kurrë nuk do të mendojë populli serb për t’u bashkuar me atë organizatë, për të na shantazuar për të sulmuar kombe të tjera”, tha Sheshel.
Udhëheqësi i SRS theksoi se Serbia nuk ka çfarë të kërkoj në Bashkimin Evropian.
“Ka vetëm një rrugë për Serbinë dhe popullin serb, dhe kjo është rruga drejt lindjes dhe integrimi me Rusinë dhe federatën e BKK”, tha Sheshel.
Ndryshe, Sheshel kishte djegur flamurin e BE-së dhe NATO-s edhe në të kaluarën.
Sheshel në mars të vitit 2016, përpara godinës së Gjykatës së Lartë në Beograd kishte djegur flamurin e Bashkimit Evropian dhe të NATO-s. /
