Ish-lideri i rebelëve në Republikën Demokratike të Kongos është shpallur fajtor për krime lufte dhe krime kundër njerëzimit nga Gjykata Ndërkombëtare.
Bosco Ntaganda i njohur me nofkën “Terminatori”, është dënuar për vrasjen, dhunimin dhe rekrutimin e fëmijëve si ushtarë. Avokatët e tij argumentuan se Ntaganda ishte viktimë pasi edhe vetë u rekrutua si fëmijë, transmeton KTV.
Ai bëhet personi i katërt që dënohet nga Gjykata Ndërkombëtare e Krimeve që prej krijimit në vitin 2002.
U dorëzua në ambasadën amerikane në Kongo gjatë vitit 2013 shkaku i rrezikut pasi humbi pushtetin.
