Një veturë me tabela zyrtare 3Z është xhiruar në mëngjesin e sotëm, duke thyer rregullat e komunikacionit, në magjistralen Pejë-Prishtinë.
Nuk janë të pakta rastet kur zyrtarët e shtetit po shkelin rregullat e komunikacionit me vetura zyrtare e shpesh po rrezikojnë edhe pjesëmarrësit në komunikacion.
Rast i tillë ka ndodhur edhe në mëngjesin e sotëm, derisa një veturë 3Z ka vozitur me mbi 120 kilometra në orë, në zonën ku shpejtësia është e kufizuar në 70 kilometra në orë.
Video që ka siguruar Metro, shihet se si vetura e tipit ‘Skoda’ tejkalon shpejtësinë e lejuar.
Magjistralja Pejë-Prishtinë, konkretisht pjesa tek Kroi Mbretit, ka shumë aksidente që ndodhin brenda vitit dhe shumë prej tyre janë me fatalitet, ku shumica shkaktohen si mos përshtatje e shpejtësisë me rregullat e komunikacionit.
Më poshtë mund të shihni pamjet.
