Policia e Elbasanit ka arrestuar tre persona në tentativë për të kultivuar kanabis në një pyll në zonën e Kërrabës.
Te arresturait jane Mevlan Balla, 32 vjeç, Dashamir Balla, 39 vjeç dhe Frederik Gaçi, 47 vjeç, banues në Krrabë e Madhe, Tiranë.
Janë sekuestruar edhe fara kanabisi, bimë narkotike kanabis dhe municion.
Njoftimi i plotë i policisë:
Elbasan
Finalizohet një tjetër operacion për parandalimin dhe goditjen e tentativës për kultivim të bimëve narkotike.
Sekuestrohen fara kanabisi, bimë narkotike kanabis dhe municion.
Vihen në pranga 3 shtetas, shpallen në kërkim 2 shtetas të tjerë.
Në vijim të punës për parandalimin, evidentimin dhe goditjen e veprimtarisë kriminale në fushën e kultivimit të bimëve narkotike, gjatë kontrollit masiv të territorit, shërbimet e Policisë Elbasan kanë evidentuar dhe goditur një rast të tentativës për kultivim të kanabisit duke arrestuar në flagrancë shtetasit: M. B., 32 vjeç, D. B., 39 vjeç, banues në Elbasan dhe F. G., 47 vjeç, banues në Krrabë e Madhe, Tiranë.
Si dhe janë shpallur në kërkim dhe po punohet për kapjen e shtetasve: L. B., 30 vjeç dhe I. B., 83 vjeç, banues në fshatin Krrabë e Vogël.
Arrestimi i këtyre shtetasve dhe shpallja në kërkim e bashkautorëve u bë pasi kanë tentuar për të kultivuar fidanë cannabis sativa në një zonë të pyllëzuar në fshatin Krrabë e Vogël.
Gjatë kontrollit të ushtruar nga shërbimet e Policisë në banesën e shtetasit I. B. janë gjetur dhe sekuestruar në cilësinë e provës materiale 26 fishekë dhe fara kanabisi.
Matrialet hetimore i kaluan Prokurorisë pranë Gjykatës së Shkallës së Parë Elbasan, për veprime të mëtejshme procedurale.
© SYRI.net
