Qyteti i Leçes është tronditur nga vrasja e ish-bankierit Giovanni Caramuscio nga dy vëllezër shqiptarë, njëri prej të cilëve Paulin Meçaj 31-vjeç i cili është arrestuar nga policia italiane.
69-vjeçari ishte duke marrë para në një ATM, kur dy vëllezërit shqiptarë iu afruan dhe Meçaj e qëlloi me armë disa herë duke i marrë jetën, më pas mori shumën që tërhoqi ish-bankieri duke u largua me vrap.
Në momentin e vrasjes, ish-bankieri ishte në shoqërinë e gruas së tij, teksa po ktheheshin nga një darkë me miqtë e tyre. Anna Quarta, gruaja e Giovanni Caramuscio rrëfeu për mediat italiane momentet e tmerrit, si ia vranë burrin përpara syve të saj.
Gruaja rrëfen se i kishte kërkuar burrit që tërheqjen ta bënte të nesërmen. “Ndalojmë për një moment, do të bëj një tërheqje” tregoi Anna Quarta bisedën e fundit me burrin.
“E bëjmë nesër, hajde” iu përgjigj ajo, por ish-bankieri vazhdoi drejt bankomatit. 69-vjeçari u qëllua pesë herë, tre plumba e kapën në gjoks duke i marrë jetën në vend.
Paulin Mecaj, ishte përpjekur të heqë qafe rrobat që kishte veshur në kohën e krimit duke i hedhur ato në një pus, por kamerat do ta kishin filmuar atë duke tërhequr këmbëzën si të pushtuar, sikur të ishte në kthetrat e një gjendje e ndryshimit të ilaçeve.
Kryetari Pizzuto do të shpallë zinë e qytetit pas autopsisë, të planifikuar për të martën e ardhshme. Tre fëmijët e Giovanni – Roberta, Stefano dhe Fabio, nuk dinë si të ngushëllojnë njëri-tjetrin dhe si ta ngushëllojnë Anën, e cila përsërit vazhdimisht: “Nuk është e mundur. Nuk e besoj shkruan Corriere della Sera
