Sot në orët e para të mëngjesit është përfshirë nga zjarri një barnatore në Ulpianë.
Lajmin e ka konfimruar zëdhënësja e Policisë për Rajonin e Prishtinës, Flora Ahmeti.
Tutje, Ahmeti ka njoftuar se nuk ka persona të lënduar.
“Në ora 03:05, policia është njoftuar për një zjarr në një barnatore ,në bulevardin ‘Dëshmorët e Kombit’ Prishtinë. Njësitet relevante policore kanë dalë në vendin e ngjarjes. Janë njoftuar edhe ekipet e zjarrfikësve të cilët kanë lokalizuar zjarrin. Nga zjarri nuk ka persona të lënduar. Me rastin i cili është cilësuar si zjarrvënie po merret Njësiti i hetimeve të Përgjithshme në Prishtinë”, njofton Ahmeti.
