Zjarri tragjik i 8 shtatorit në Qendrën Kovid në Tetovë, që ia mori jetën 14 personave, ishte “ndër ngjarjet më të rënda që kam përjetuar”, tha ministri i Shëndetësisë, Venko Filipçe dhe ofroi dorëheqjen.
Tha se dorëheqjen e ka dorëzuar edhe me shkrim deri te kryeministri dhe lideri i partisë nga ku vjen Filipçe, Zoran Zaev.
Por, Zaev deri në këto moment nuk ka dhënë asnjë koment për dorëheqjen e Filipçes, duke lënë të papërgjigjura pyetjet:
Kur do të shqyrtohet dorëheqja dhe a do të pranohet e njëjta?
Dorëheqje si shenjë përgjegjësie morale, kanë dhënë edhe tre udhëheqës të tjerë shëndetësor. Zëvendësministri i Shëndetësisë, Ilir Hasani dhe dy drejtorët e Spitalit Klinik të Tetovës, Florin Besimi dhe Artan Etemi, transmeton TV21.
Partia që udhëhiqet nga Zaev, Lidhja Socialdemokrate e Maqedonisë ka përshëndetur që të katërtat dorëheqje, por Qeveria pa paralajmërim se kur do të shqyrtojë të njëjtën.
