Ambasada e Turqisë në Shkup, përmes një deklarate në Facebook ka shprehur solidarizimin dhe dhimbjen me qytetarët e Shkupit me rastin e fatkeqësisë së djeshme nga të reshurat e rrëmbyeshme të shiut, të cilët morën jetën e disa personave, raporton Anadolu Agency (AA).
“Ndiejmë dhimbje të thellë për shkak të fatkeqësisë natyrore e cila ndodhi më 6 gusht në Shkup dhe rrethinë dhe e cila shkaktoi viktima dhe dëme materiale. Lutemi për mëshirë për ata që humbën jetën dhe shërim sa më të shpejtë për të lënduarit”, thuhet në deklaratën e Ambasadës së Turqisë në Shkup.
Po ashtu, në deklaratën në Facebook ambasada shprehet se janë të gatshëm të ofrojnë çdo lloj ndihme. “Duam të theksojmë se ne, si Republikë e Turqisë, ashtu sikurse çdo herë, jemi të gatshëm të ofrojmë çdo lloj ndihme për shtetin mik Repubikën e Maqedonisë.”
