Ish-kryeministri Sali Berisha pretendon se në protestën e sotme në selinë e PD nuk pati dhunë. Kësisoj ai e konsideroi të panevojshme ndërhyrjen e policisë.
“Dua të qëndroj besnik i non violencës sepse dhe komisioni i rithemelimit i beson non violencës. Tani kemi një çift një çift i zi për jetën e shqiptarëve. Çudia Rama-Basha, diversiteti i veprimeve tona s’do njohë kufi në të ardhmen. Hedh poshtë që ka pasur dhunë. Ka medie të huaja janë të lidhura me Ramën. Washington post dhe rojters u referohen gazetarëve të tyre të lidhur me Ramën. Deklaratën e ambasadës se kam lexuar, dua ta lexoj që ta komentoj, kurse për rojters e kam të sigurt është kushëri i Edi Ramës. Problemi kryesor që ka kjo agjenci që lexoj më shumë se çdo agjenci tjetër por ne do e informojmë rojter”.
Një përgjigje pati edhe për kreun e PD Lulzim Basha i cili tha sot Berisha nuk arriti asnjë nga objektivat që kishe duke përmendur këtu marrjen e godinës, shkaktimin e viktimave dhe pengimin e policisë për të ndërhyrë në protestë. Sipas Berishës protesta e sotme ndau opozitën e vërtetë nga pseudoopozita.
“Në fakt për atë që lexon atë që diktoj ashtu është, po për të gjithë të tjerët që e shohin atë sot në ekrane shohin se nuk është asgjë tjetër veçse një peng mjeran ashtu siç e kemi quajtur i Edi Ramës dhe shohin se kush është opozita e vërtetë . Sot kjo hyn në histori si protesta që ndau si me thikë opozitën e vërtetë nga pseudopozita në sytë e shqiptarëve. Ju e patë peng Bashën me vrasës se si u vërsul ndaj opozitës së vërtetë”.
Pavarësisht se sot nuk arriti të shkojë në katin e dytë të selisë Berisha ka e paralajmëruar Bashën duke i thënë se nuk do ta “shpëtojë as vrima e miut”.
“Njeriu që në çdo dy fjalë lëshon 3 gënjeshtra s’meriton përgjigje. Ajo fjalë ‘thënë nga unë dhe as nga një bashkëpunëtor i imi. Ajo fjalë është e regjistruar si kërcënim nga më të afërtit e Lulzim bravës. Por as blindet dhe as vrima e miut nuk e shpëton më nga populli opozitar Lulzim Bashën. U arrit sot shumë. Sot u arrit që çdo shqiptar të kuptojë se ç’përfaqëson Basha para tyre për interesat e tyre.
Që aty ka vrasës është e qartë njëri me mbiemrin Shata. Ka dhe të tjerë. Janë madje në foto persona të grupeve fondamentaliste. Ndaj të gjitha këtyre do ngrihen padi. Lidhur me faktin se narkopolicia pas telefonatës që mori nga Rama që të ndërhynte me kërkesë të Bashës, ajo kërkoi që Basha ta bëjë kërkesën publike. Dhe ai e bëri kërkesën publike dhe vetëm pasi u bë kërkesa publike policia ndërhyri shtazërisht”.
Ish-kryeministri përjashtoi mundësinë për seli të re, duke theksuar se objektivi do të arrihet në vazhdim.
“Ndërtesat kanë kujtimet e tyre por ajo mbetet selia e PD dhe jo e Bashës kështu që ne kemi objektivin tonë me atë seli”. be.k/abcnews
