Në Komisionin për Çështje Evropiane u mbyll debati i cili sipas pushtetit, zgjati dy ditë për ligjin për marrëdhënie pune. Sipas opozitës ky debat akoma nuk kishte filluar sepse kryesuesja e komisionit Arta Bilalli Zendeli nuk u kishte dhënë fjalën deputetëve të opozitës që ishin paraqitur për procedurale para se të fillojë të shqyrtohet rendi i ditës.
Në kundërshtim me praktikën e deritanishme të komisioneve, Zendeli u jepte fjalën vetëm koordinatorit dhe zv.koordinatorit të grupit parlamemtar të VMRO-DPMNE duke pretenduar se vetëm ata kishin të drejtë. Opozita beson se janë shkelur të gjitha procedurat sipas Rregullores. Deri në fund situata ishte e tensionuar.
