Agjencia më e madhe në botë, Associated Press, shkruan se sindikatat po organizohen dhe po ngrihen në protestë në mbarë Europën.
Së fundmi, sindikatat kanë organizuar një protestë në Rumani, ku dhjetëra-mijëra qytetarë kanë dalë në shesh kundër varfërisë dhe kostove të larta të jetesës.
Protesta të ngjashme po organizohen në Francë, Çeki, Suedi, Gjermani dhe Britani.
“Nga vendet jashtë BE-së, në Shqipëri, qindra profesorë universitarë protestuan të enjten jashtë godinës së Universitetit të Tiranës në kryeqytet, duke kërkuar rritje page dhe duke u ankuar se janë më të keqpaguarit në profesionin e tyre në Ballkanin Perëndimor.
Në fillim të këtij muaji, qeveria i rriti pagat e profesorëve me 7 përqind, por profesorët janë ankuar se ajo bie nën nivelet e inflacionit prej 8 përqind dhe kërkojnë një rritje të pagave me 30 përqind,” shkruan AP.
Ndërkohë pedagogët në Shqipëri kanë nisur bojkotin pa afat.
© SYRI.net
