Burime të TV21 brenda Aleancës për Shqiptarët bëjnë të ditur se nesër kreu i kësaj partie, Arben Taravari do të realizojë takim me kryeministrit Dimitar Kovaçevski, shkruan TV21. Sipas informacioneve jozyrtare, takimi pritet të mbahet në Qeveri me fillim nga ora 13:00.
Ndryshe, së fundmi nga kjo parti deklaruan se po presin nëse partitë në pushtet do t’i plotësojnë kërkesat e tyre për hyrje në Qeveri. Nëse kjo nuk ndodh, kreu i kësaj partie Arben Taravari thotë se me shumë gjasa do të shkohet në zgjedhje. Taravari thotë se kërkesat e tyre nuk janë kadrovike, por më shumë programore.
