Është e padiskutueshme që shumë prej nesh kalojnë pjesën më të madhe të jetës para ekraneve të telefonave tanë.
Por ndonjëherë, përgjigja është shumë më e qartë. Ishte për Jerome Yankey. Ai ishte student i vitit të parë kur vuri re se përdorimi i mediave sociale, veçanërisht TikTok, ishte bërë problematik. “Mendoj se fillimisht fillova të kisha probleme fizike, sepse nuk lëvizja me orë të tëra, nuk flija, po më merrte orë të tëra nga dita. Nuk po bëja shumë në kohën time të lirë,” shpjegoi ai.
Kur problemi u zhvendos nga fizik në mendor, duke ia prishur krijimtarinë ai vendosi se duhej të hiqte dorë. Anketa e Pew Research 2022 e adoleshentëve amerikanë zbuloi se 67% e tyre përdorin TikTok dhe mes tyre, 16% e përdorin atë vazhdimisht. Ky numër është edhe më i lartë në mesin e 95% të adoleshentëve që përdorin YouTube, me 19% që e përdorin atë vazhdimisht.
A jam i varur? Tani për tani, varësia nga interneti nuk është një diagnozë klinike zyrtare. Ka ende shumë pyetje nëse ai kualifikohet si një çrregullim i shëndetit mendor më vete ose nëse duhet të konsiderohet pjesë e një gjendjeje tjetër të shëndetit mendor. Ka edhe pyetje se si ta përcaktojmë, ta masim, ta testojmë dhe ta trajtojmë atë.
Megjithatë, shumica e ekspertëve pajtohen se pavarësisht nëse është një “varësi” e vërtetë apo diçka tjetër, koha e tepërt para ekranit mund të ketë efekte të këqija, veçanërisht për fëmijët. Pikërisht këtu hyn Dr.Michael Rich. Rich trajton pacientët e rinj me atë që ai e quan përdorim problematik të medias në Klinikën për Çrregullime të Medias Interaktive të cilën ai e drejton bashkë në Spitalin e Fëmijëve të Bostonit.
“Aty ku shfaqet problemi është kur funksionet e tyre të përditshme dëmtohen në një farë mënyre. Ata nuk po flenë mjaftueshëm. Ata po hanë tepër. Ata mungojnë në shkollë ose po i zë gjumi në shkollë. Ata po tërhiqen nga miqtë e tyre. Ne si shoqëri e përdorim termin varshmëri si poshtëruese. Ne i mendojmë të varurit si njerëz të dobët me karakter të dobët dhe i qasemi varësisë, sinqerisht, ende si diçka për t’u ndëshkuar sesa për t’u shëruar”.
Rich gjithashtu nuk mendon se teknologjia është shkaku i problemeve të pacientëve të tij, por përkundrazi, ajo i përforcon ato. Dhe ai ka një qasje kundërintuitive për të ndihmuar pacientët e tij të rinj, të cilët shpesh po përballen me çështje si ankthi ose çrregullimi obsesiv-kompulsiv.
Top Channel
