Policia e Kosovës ka njoftuar se është raportuar për një zjarrëvënie në Rahovec.
Policia ka bërë të ditur në raportin e saj ditor se është përfshirë nga zjarri ditën e djeshme një sipërfaqe rreth 50 ari e mbjell me grurë si dhe një vreshtë.
Njësitë relevante policore kanë dalë në vendin e ngjarjes si dhe zjarrfikësit të cilët kanë lokalizuar zjarrin.
Ngjarja ka ndodhur dje rreth orës 16:00 në rrugën “Gjakova”.
Rasti është nën hetime.
