Të mërkurën (09.08.2023) do të kryhet faza e katërt e dezinfektimit të zonës së Shkupit kundër mushkonjave.
Dezinfektimi ajror i zonës së qytetit të Shkupit kundër larvave të mushkonjave do të kryhet të mërkurën, në orët e hershme të mëngjesit. Në të njëjtën ditë, nga ana tjetër, do të bëhet edhe dezinfektimi tokësor kundër larvave të mushkonjave, njofton Qyteti i Shkupit.
Nëse kushtet e motit nuk e lejojnë dezinfektimin, do të spërkatet të nesërmen, kur kushtet atmosferike janë të favorshme, në të njëjtën kohë.
Qyteti i Shkupit apelon te bletarët që me kohë të marrin masat e nevojshme për mbrojtjen e bletëve.
