Bayern Munichu është duke e përgatitur një ofertë të re për Harry Kanen.
Tottenhami i ka refuzuar krejt propozimet e deritashme të gjigantit bavarez dhe përfaqësuesi anglez ka nisur ta humb durimin.
Mediumi britanik “The Telegraph” raporton se futbollisti po e konsideron mundësinë të qëndrojë në Londër pasi ka pritur nën ethe qe dy muaj.
Ndërkohë, “Sky Sport DE” shkruan se kampioni gjerman do ta bëjë tentimin e fundit për sulmuesin e rrezikshëm duke e përmirësuar ofertën për të.
Nëse as këtë radhë Spurs nuk e japin dritën e gjelbër, atëherë sipas të gjitha gjasave lojtari do të qëndrojë në Londër.
Tottenhami i kërkon mbi 100 milionë euro për kartonin e njërit prej sulmuesve më të mirë dhe më të rrezikshëm në futbollin evropian.
