Si pasojë e motit të keq që pritet të përfshijë brigjet e Adriatikut, Autoriteti Portual i Durrësit njofton se do të anulohet lundrimi i trageteve në drejtim të Barit dhe anasjelltas.
Ndërkaq, lundrimet drejt portit italian të Ankonas do të vijojnë normalisht.
Njoftimi
Si pasojë e motit të paqëndrueshëm që pritet të përfshijë rajonin e Adriatikut, kompanitë e lundrimeve kanë njoftuar se mbrëmjen e sotme do të pezullohen lundrimet e trageteve nga Durrësit drejt Barit(Itali) dhe anasjelltas.
Referuar parashikimeve të autoriteteve detare forca e erës do të shkojë deri në 30 m/s, ndërsa dallgëzimi në det të hapur do të variojë nga 7-8 bft.
Jemi në vigjilencë të plotë për monitorimin e situatës deri në rikthimin në normalitet të kushteve të motit.
