Analisti politik Xhevdet Pozhari, ka reaguar pas publikimit të sondazhit nga UBO Consulting, i cili e nxori Lëvizjen Vetëvendosje si parti të parë, me 49.5 për qind të përkrahjes së qytetarëve.
“Edhe për opozitën bohet mirë. 10 vjetët e para i kanë pak vështirë.
“Priteni tash LDK-në me kandidatin për kryeministër.
Moto: Me Skënderin përpara, na priftë e mbara!”, ka shkruar Xhevdet Pozhari në një postim në Facebook.
Ai ka “ngacmuar” edhe Partinë Demokratike të Kosovës.
“Bedri Hamzën jo që e djegën, por e përvëlun. Nuk kanë thënë kot, çka ta bon i joti…
Tash veç nëse e bëjnë me Lumirin bashkë një podcast. Kënaqen llaf, muhabet”, ka shkruar analisti.
Në sondazhin për muajin mars, PDK-ja ka dalë e dyta me 17.1 për qind të votave.
Ndërsa, në vendin e tretë është renditur Lidhja Demokratike e Kosovës (LDK), me 16 për qind të votave.
Kurse, koalicioni AAK-Nisma kanë marr 6.9 për qind të përkrahjes, derisa Lista “Guxo” në këtë matje ka marrë vetëm 0.6 për qind.
Rezultatet e këtij sondazhi deri tani i ka komentuar partia në pushtet, por jo edhe opozita./Botasot
