Sipas të dhënave të INSTAT, krahasuar më një vit shkollor më parë (2022-2023), ky sezon (2023-2024) shënon një ulje të regjistrimit të nxënësve në vlerën 20.511 më pak.
Një shifër e tillë, shënon rënien deri në 3.7%, krahasuar me një vit më parë.
Në vitin shkollor 2023-2024 u regjistruan 533.711 nxënës (arsimi parauniversitar dhe të lartë së bashku), ndërsa për 2022-2023 ishin të regjistruar 554.222 nxënës.
Nga totali 533.711 nxënës të regjistruar për vitin 2023-2024, 48,4% e tyre janë të arsimit 9 vjeçar, 12.5% në kopshte, 17.2% në arsim të mesëm, dhe 21,9% në universitete.
Regjistrimi në arsimin parashkollor (kopshte)
Nga të dhënat e INSTAT, viti shkollor 2023-2024 shënon regjistrimin e 66.711 fëmijë, ndërsa në vitin 2023-2023, 69.750 të vegjël.
Me një ndryshim numri prej 3039 të mitur, kemi një rënie regjistrimi në arsimin parashkollor prej 4.4%.
Po ta krahasojmë regjistrimet e këtij shkollor, me atë të 2021-2022, rënia shënon deri në 7.84%
Regjistrimi në arsimin parauniversitar, 9 vjeçar
Sipas publikimit të INSTAT, ky vit shkollor shënon regjistrimin e 258.072 nxënës në total, ndërsa në vitin 2022-2023, 267.275 nxënës.
Me një ndryshim prej 9203 të regjistruar, këtë vit kemi një ulje prej 4.4%.
Nëse e krahasojmë me vitin shkollor 2021-2022, kur ishin të regjistruar 278.138 nxënës, rënia këtë vit shënon 7.21%.
Regjistrimi në arsimin parauniversital, e mesme
Për vitin shkollor 2023-2024, në shkollat e mesme në vend janë të regjistruar 91.755 nxnëës, ndërsa një vit më parë ishin të regjistruar 95.845, duke pësuar rënien prej 4.26%.
Për këtë vit, nga total ii të regjistruarve në shkollat e mesme, 75.348 prej tyre janë në Gjimnaze të profilit social-kulturor, ndërsa 16.407 në ato profesionale.
Në krahasim më vitin shkollor 2021-2022, rënia është më e madhe, prej 11.31%.
Regjistrimi në arsimin e lartë
Arsimi i lartë shënon 116.994 studentë për vitin akademik 2023-2024, duke shënuar një ulje prej 3.6% nga viti i kaluar.
Studentët që marrin pjesë në arsimin e lartë publik përbëjnë 72.3% të totalit.
68.305 prej tyre janë student vajza, pra 58.4% e totalit, ndërsa pjesa tjetër studentë djemë.
Në programet bachelor, për të njëjtën periudhë, morën pjesë në arsimin e lartë 67.283 studentë duke
shënuar një ulje prej 5,5 % krahasuar me 2022-23.
Në vitin akademik 2023-24, ashtu si edhe vitin e kaluar akademik, studentët preferojnë fushën e studimit
“Biznes, administrim dhe ligj”, ku është përqendruar një e katërta e numrit gjithsej të studentëve. Fusha të
tjera më të preferuara janë: “Shëndet dhe mirëqenie” dhe “Inxhinieri, prodhim dhe ndërtim” me
përkatësisht 20.9% dhe 19.7% të numrit gjithsej të studentëve të regjistruar. Fusha “Shëndet dhe
mirëqenie” është njëkohësisht edhe fusha me rritjen më të madhe të studentëve të regjistruar
krahasimisht me vitin e kaluar (8,8 %).
