Gazetar: Mihajllo Donev
Jozyrtarisht, mësojmë se kryetarja e Këshillit Gjyqësor, Vesna Dameva, mandati i së cilës skadon në fillim të dhjetorit, synon ta zgjasë atë edhe për gjashtë muaj të tjerë. Kryeministri Hristijan Mickoski, duke iu përgjigjur pyetjes së gazetarit të Alsat në lidhje me këtë njoftim, theksoi se qytetarët ishin të zhgënjyer dhe ishin këta njerëz në që e kanë kapur gjyqësorin.
“Kryeministër, si e komentoni njoftimin për zgjatjen e mandatit edhe për gjashtë muaj në Këshillin Gjyqësor? Për sa kohë që ata njerëz janë të pranishëm si në prokurori ashtu edhe në gjyqësor, për fat të keq, nuk do të mund të ecim përpara në luftën kundër krimit dhe korrupsionit…. Në çdo seancë të qeverisë, lexojmë raporte shqyrtimi dhe në çdo seancë të qeverisë pyes drejtpërdrejt auditorin, nëse ka bazë për krime dhe nëse është dorëzuar në prokurorinë publike, dhe në çdo seancë të qeverisë marr të njëjtën përgjigje, po është dorëzuar, që do të thotë se kemi më shumë se qindra raste të paraqitura në prokurori”, deklaroi Hristijan Mickoski, kryeministër.
Pavarësisht rasteve të denoncuara, Mickoski thotë se ato nuk përpunohen më tej.
“A keni dëgjuar kur një prokuror duhet të nënshkruajë një urdhër ndalimi ose kërkimi e kështu me radhë, sëmuret, ka diarre, i zihet fryma, temperaturë të lartë, i kanë ardhur ato e kështu me radhë. Ata gjithmonë gjejnë ndonjë mënyrë për të penguar veprimin e autoriteteve të ndjekjes. Jam shumë i zhgënjyer me atë që po ndodh sot, por më besoni se nuk do të jem për shumë kohë, por do të hyjmë në një veprim të fuqishëm, dhe nëse është e nevojshme do të merremi me ata prokurorë dhe gjyqtarë të korruptuar në një mënyrë tjetër”, shtoi Hristijan Mickoski, kryeministër.
Që nga ardhja në pushtet, Mickoski ka paralajmëruar shpërbërjen e plotë të Këshillit Gjyqësor dhe atij të Prokurorëve, por në vend të kësaj qeveria u angazhua për reforma të plota që do të vijnë në këtë sektor, si dhe ligje të reja për Këshillin Gjyqësor dhe Këshillin e Prokurorëve. /Alsat.mk
