Numërimi mbrapsht sapo ka filluar, e tashmë gjithnjë e më pak ditë na presin deri në mbërritjen e Krishtlindjeve.
Edhe pse mesi apo fundi i nëntorit mund të duket pak herët për disa që të vendosë pemë, dritat apo dizajnë të tjera, ka nga ata që këto detaje i kanë vendosur që në hyrje të nëntorit. Gjithsesi, edhe pse është një periudhë që gjithnjë na jep ndjesi të mirë, ka disa gjëra që duhet të fillojmë t’i praktikojmë që tani në mënyrë që çdo gjë të na shkojë sipas planit gjatë festave. Këto përgatitje nuk janë vetëm një domosdoshmëri, ato gjithashtu ndihmojnë të krijohet një atmosferë festive më të bukur dhe më të gëzueshme.
Caktoni buxhetin
Para se të filloni të mendoni vërtet për përgatitjen e Krishtlindjeve, duhet të llogaritni buxhetin me mençuri. Si ta bëni atë? Mos harroni të përfshini gjithçka që ju nevojitet; nga ushqimi te dekorimet, dhuratat, pulovrat e pashmangshme të Krishtlindjeve e kështu me radhë. Një buxhet i mirë i ndihmon jo vetëm të planifikoni shpenzimet, por gjithashtu ju lejon të keni më shumë kontroll mbi financat tuaja në këtë periudhë të ngarkuar.
Llogaritni sa planifikoni të shpenzoni për secilën nga këto gjëra dhe shkruajini të gjitha. Duke e bërë këtë do të keni një ide më të mirë se si t’i menaxhoni paratë dhe do të shmangni shpenzimet e panevojshme të kur të afrohet dita e madhe. Kjo po ashtu ju lejon të kurseni disa të holla, që mund të shfrytëzoni për aktivitete të tjera festive së bashku me familjen dhe miqtë.
Organizoni agendën
Muaji dhjetor është gjithmonë një nga muajt më të ngarkuar të vitit. Mes festive, planifikimeve për darkat dhe daljet me miqtë dhe shoqërinë, është e lehtë që të harroni diçka. Ndaj më mirë merrni një stilolaps dhe shkruani të gjitha gjërat që doni dhe keni dëshirë të bëni. Një organizim i mirë mund të ju ndihmojë që të kaloni një Krishtlindje pa stres dhe të fokusoheni mbi atë që është me të vërtetë e rëndësishme – kalimi i kohës me ata që doni.
Bëni një listë të dhuratave që duhet të blini
Krishtlindjet dhe Viti i Ri ndryshe identifikohen edhe me dhuratat që ne shkëmbejmë me njëri-tjetrin. Që të jeni më të qetë, mund të filloni që tani që të blini dhurata për njerëzit e zemrës, në mënyrë që most ë përjetoni një “boom” shpenzimesh në fund. Kjo listë mund t’ju ndihmojë të mendoni për dhuratat më të përshtatshme dhe t’i blini ato me qetësi, pa u ndier nën presionin e afateve të fundit.
Përgatitni menunë e Krishtlindjeve
Nëse keni mysafirë në shtëpi ditën e Krishtlindjeve, qoftë për drekë apo darkë, është mirë të filloni të mendoni menjëherë për menunë. Përgatitja e një menuje të detajuar jo vetëm që do t’ju ndihmojë të organizoni më mirë kohën tuaj gjatë ditëve të festave, por gjithashtu do t’ju japë mundësinë të provoni receta të reja dhe interesante që mund të bëjnë Krishtlindjet tuaja edhe më speciale.
Shmangni stresin e fundjavës së Krishtlindjes duke blerë përbërësit e nevojshëm që tani. Kështu do të keni më shumë kohë për të kaluar me familjen dhe miqtë, duke shijuar atmosferën festive dhe duke krijuar kujtime të paharrueshme.
Shkruani kartolinat e Krishtlindjeve
Një tjetër gjë që ne shpesh e gjejmë veten duke bërë në minutat e fundit janë kartolinat. Në fakt, mund të lihen në fund, por ndoshta janë më të rëndësishmet. Fjalët e bukura në festat e fundvitit kanë një rol shumë të rëndësishëm në harmoninë familjare dhe atë shoqërore për të qenë bashkë ashtu siç e kërkon zakoni. Kartolinat e Krishtlindjeve mund të jenë një mundësi e shkëlqyer për të treguar atyre që doni se mendoni për ta, duke u sjellë ngrohtësi dhe gëzim në këtë periudhë festive.
Duke e organizuar kohën tuaj dhe duke u angazhuar me këto hapa të thjeshtë, Krishtlindjet do të jenë më pak stresuese dhe më shumë festive. Këto përgatitje do t’ju ndihmojnë të krijoni një atmosferë të ngrohtë dhe mikpritëse, duke u siguruar që çdo moment i festimit të jetë i paharrueshëm. Mos harroni, rëndësia e festave nuk është vetëm në dhuratat dhe dekoratat, por në lidhjet e forta që krijojmë me ata që i duam.
