Një 33 vjeçar në Tiranë është arrestuar për shkak se qarkullonte i armatosur në automjetin e tij tip “Benz”.
Në pranga ka rënë shtetasi Elden Dushku, 33 vjeç, i cili posedonte një pistoletë dhe municionin luftarak përkatës të armës së zjarrit.
I riu kishte fshehur armën brenda një çorapeje, por nga kontrolli i ushtruar nga blutë pistoleta u gjet dhe u sekuestrua në cilësim të provës materiale.
Sakaq, po hetohen arsyet përse Dushku posedonte armën.
Njoftimi i policisë:
Tiranë/Vijojnë operacionet e njëpasnjëshme për goditjen e veprimtarisë kriminale të armëmbajtjes pa leje.
Finalizohet nga Komisariati i Policisë Nr. 3, operacioni policor i koduar “Flagranca 1”.
Qarkullonte me armë zjarri në automjet, vihet në pranga 33-vjeçari.
Sekuestrohen arma e zjarrit dhe municioni luftarak.
Në vijim të punës për goditjen e veprimtarive kriminale në fushën e armëmbajtjes pa leje, bazuar dhe në informacionet e siguruara në rrugë operative, shërbimet e Policisë kanë organizuar punën dhe kanë finalizuar operacionin policor të koduar “Flagranca 1”, si rezultat i të cilit u arrestua në flagrancë shtetasin E. D., 33 vjeç, banues në Lezhë.
Ky shtetas është ndaluar nga shërbimet e Policisë, ndërkohë që drejtonte automjetin tip “Benz”, në të cilin, gjatë kontrollit, shërbimet e Policisë gjetën 1 armë zjarri pistoletë dhe municion luftarak, të cilat u sekuestruan në cilësinë e provës materiale.
Vijojnë hetimet për të zbuluar qëllimin për të cilin ky shtetas qarkullonte me armë zjarri.
Materialet procedurale i kaluan Prokurorisë, për veprime të mëtejshme.
