Kryeministri Edi Rama, gjatë takimit në Elbasan, ka përmendur deputetin e PD-së Dashnor Sulën, i cili mbeti jashtë listave në zgjedhjet e 11 majit.
Rama, gjatë deklaratës së tij, tha se dera e PS është e hapur për të gjithë, përfshirë edhe Dash Sulën.
“Sot jemi këtu për t’u thënë të gjithëve mirë se të vini, përveç salamandrave të kënetës, kukumjaçkave. Ata nuk kanë vend këtu te ne, kurse Dash Sula duhet të hyjë në një proces, se mund jetë edhe një ditë. Për momentin duhet të dezinfektohet”, tha kreu i qeverisë, duke shtuar se “Inat mund ta kesh sa të duash, po hakun duhet t’ia japësh. Aty një njeri me ulërima për komunitetin e vetë, se kanë një të dytë. Por duhet të heqë të gjithë morrat e kënetës”.
