Një fotograf iranian ka fotografuar jetën e dëshpëruar të punëtorëve të Azisë Jugore, të cilët udhëtojnë në Dubai me shpresën për të ndërtuar një të ardhme për familjet e tyre por gjejnë vetëm varfëri, paga të ulëta dhe punë të keqe në vapën e madhe.
Fotot janë bërë në Sonapur, emri jozyrtar i një kampi pune në periferi të Dubait, i vendosur larg nga luksi, rrokaqiejt e lartë dhe pasuria e pamasë për të cilat qyteti i Emirateve të Bashkuara Arabe është i famshëm.
“Sonapur” për ironi, emri do të thotë “Qyteti i Arit” në Hindi është shtëpia e më shumë se 150,000 punëtorëve, kryesisht nga India, Pakistani, Bangladeshi dhe Kina.
