Niset për në detin Egje nga baza e Pashalimanit në Vlorë, kontingjenti i tretë i Forcës Detare të Ushtrisë Shqiptare, si pjesë e “Sea Guardian”, të parit operacion ndërkombëtar detar për Forcën Detare Shqiptare.
Gjatë fjalës së saj ministrja e Mbrojtjes, Mimi Kodheli, kujtoi hapat e parë në rrugën drejt këtyre misioneve para dhjetë muajsh. Ajo ka evidentuar rrugën e vështirë të Forcave të Armatosura drejt arritjes së kësaj dite dhe kthimit në një ushtri të denjë si vend anëtar i NATO-s.
Duke shprehur vendosmërinë e Qeverisë shqiptare për të bërë Shqipërinë anëtare dinjitoze të komunitetit euro-atlantik, ministrja e Mbrojtjes ka nënvizuar faktin se Qeveria shqiptare është e angazhuar maksimalisht për reformat në Shqipëri, shkruan sot Koha Ditore.
Me këtë rast ministrja Kodheli nga baza e Pashalimanit ka akuzuar ish-presidentin dhe ish-kryeministrin Sali Berisha për shkatërrimin e ushtrisë dhe bazës së Pashalimanit në marsin e mbrapshtë të 1997-s dhe për tragjedinë e Gërdecit. (Më gjerësisht lexoni sot në Koha Ditore)
© KOHA.
