Donald Trump ka pohuar sot se përpjekjet që politika e tij e jashtme i ka bërë deri më tani, ia kanë ekspozuar dështimin e përgjithshëm të tetë viteve të kaluara paraardhësit të tij në Shtëpinë e Bardhë, Barack Obamas.
Në një status në Twitter sot në mëngjes, Trump, i cili ende është në 100 ditët e para të presidencës së tij, e përsëriti komentin që e kishte bërë edhe gjatë një emisioni për Fox News, transmeton Indeksonline.
“90 ditët e para të presidencës sime e kanë ekspozuar dështimin e përgjithshëm të tetë viteve të fundit të politikës së jashtëm! Shumë e vërtetë,” ka shkruar ai.
Komentet e tij erdhën një ditë pas një stuhie të veprimeve ushtarake dhe diplomatike.
Para dy javëve, Trump urdhëroi sulme ajrore ndaj bazës ajrore siriane, ku u hodhën plot 59 raketa, si kundërpërgjigje ndaj sulmit të dyshuar kimik të presidentit sirian, Bashar al-Assad, ndaj civilëve në Aleppo.
Javën që shkoi, forcat amerikane hodhën bombën më të fuqishme që prej Nagasakit në një operacion kundër ISIS-it në Afganistan.
