Presidenti i Kosovës, Hashim Thaçi, ka takuar presidentin slloven, Borut Pahor, në Lubjanë dhe kanë konfirmuar edhe një herë marrëdhëniet e mira ndërmjet dy vendeve.
Thaçi ka udhëtuar në Slloveni për të marrë pjesë në Samitin Brdo-Brione të vendeve të Ballkanit që do të mbahet më 3 qershor në Brdo.
Në takim me presidentin Pahor, ai shprehu mirënjohje për presidentin Pahor dhe presidenten Grabar-Kitaroviq, si bashkë organizatorë të Samitit Brdo-Brione, që kanë bërë bashkë krerët e shteteve të Ballkanit në një moment të rëndësishëm për rajoni.
“Samiti vjen në kohën kur në shtetet e Ballkanit shohim artikulim më të qartë të aspiratës euro-atlantike dhe gatishmëri për të lëvizur me hapa konkretë drejt BE-së”, u shpreh Thaçi, transmeton Klan Kosova.
Këtë vit, mysafir special i Samitit Brdo-Brione është presidenti i Federatës Gjermane, Frank-Walter Steinmeier.
