Deri më tash asnjëra nga partitë politike në Kosovë nuk ka dalë me listë përfundimtare për kandidat për kryetar të komunave, përveç se ka pasur emra të veçuar për ndonjë qytete.
Blerand Stavileci nga Partia Demokratike e Kosovës, tha për lajmi.net se shumë shpejt partia e tij do të dali me listën përfundimtare të kandidatëve për kryetarë komunash dhe kuvendar komunal.
“Afati ligjor për paraqitje pranë KQZ-së është deri më datën 22. Ne po bëjmë punën tonë brenda forumeve partiake dhe secilës degë që t’i zgjedhim më të mirët”, ka deklaruar Stavileci.
Bëhet e ditur se do të ketë emra të ri, “300 personalitete të njohura që do të jenë pjesë e listave tona”, u shpreh tutje ai.
“Besoj është çështje ditësh shpallja e këtyre kandidaturave. Edhe për kryetare edhe për kuvendarë komunal. Do të ketë edhe risi shumë cilësore me mbi 300 personalitete të njohura që do të jenë pjesë e listave tona”, potencoi mes tjerash Stavileci.
Ndonëse është parlajmëruar se Lirak Çelaj mund të jetë kandidat i PDK – së për Komunën e Prishtinës, pas rezultateve të fundit të kësaj partie, janë duke e shqyrtuar seriozisht mundësitë që dy ministrat e PDK – së, Memli Krasniqi apo Blerand Stavileci të jenë bartës së garës për Prishtinë. Sipas një sondazhi të brendshëm të kësaj partie, Memli Krasniqi ka gjasa më të mira se Stavileci./Sakte.net
